༺ ལོ་རྟ་ལྟེ་གནས་སློབ་ཆུང་གི་དྲ་བར་ཕེབས་པར་དགའ་བསུ་ཞུ ༻ དེ་རིང་ནི་སྤྱི་ལོ 2019 ལོའི་ཟླ 12 ཚེས 5 རེས་གཟའ་ཕུར་བུ་ཡིན། དྲ་གནས་ཉར་ཚགས།   གཙོ་ངོས་སུ་འགོད་པ།   
སྣ་འཛོམས།
གསར་འགྱུར།
སློབ་གསོ།
རྩོམ་རིགས།
    གཙོ་ངོས།»སྣ་འཛོམས།»སློབ་གསོའི་གླེང་སྟེགས།
སྣ་འཛོམས།
སྙན་འཇེབས་དབྱངས་ཀྱི་འགྱུར་ཁུགས།
མེ་ཏོག་སེར་ཆེན།
རྩོམ་རིག་དགའ་ཚལ།
སློབ་རའི་གསར་འགྱུར།
སློབ་ཁྲིད་རྒྱུ་ཆ།
སློབ་གསོའི་གླེང་སྟེགས།
བྱིས་པའི་འཇུག་ངོགས།
བརྩམས་ཆོས་གསར་བ།
༢༠༡༢༡༠༡༥པར་ངོས་ཁ
༢༠༡༢༡༠༡༥པར་ངོས་ཀ
༢༠༡༢༠༩༡༥པར་ངོས་ཁ
༢༠༡༢༠༩༡༥པར་ངོས་ཀ
༢༠༡༢༠༦༡༥པར་ངོས་ཁ
༢༠༡༢༠༦༡༥པར་ངོས་ཀ
ནམ་མཁའི་སྐར་མ།
ཐུན་སྒྲིལ་གྱི་རང་སྒྲ།
གསོན་ཉམས་ལྡན་པའི་ཕ་ཡུལ།
རྨི་ལམ་ནང་གི་ཡུམ་ཆེན།
དྲིན་ཆེན་མ་ལོ༼གླུ་ཚིག༽
བློ་གྲོས་ཀྱིས་བཏུལ་བ།
རི་བོང་ཅལ་འདྲོགས།
རུས་སྦལ་ས་ལ་ལྷུང་བ།
པར་དེབ་སྣ་ཚོགས།
སྣ་འཛོམ་སྐར་ཁུང་།
སློབ་གསོའི་བྱེད་སྒོ
སློབ་ཁྲིད་ཐབས་ལམ།
ཁྲིད་ཞིབ་བྱ་འགུལ།

སློབ་གསོའི་གླེང་སྟེགས།


ཁྱིམ་མིས་རྟག་པར་བྱིས་པའི་འགན་ཁུར་གྱི་བསམ་བློ་གཞོམ་བཞིན་ཡོད། སྤེལ་དུས།2013-11-05
ཐེ་ཝན་གྱི་སློབ་གཙོ་ཞིག་གི་གཏམ་བཤད། སྤེལ་དུས།2013-11-05
སྐད་ཡིག་ཅིག་གི་དར་རྒུད་ནི་ཐད་ཀར་མི་རིགས་དེའི་དར་རྒུད་དང་འབྲེལ་བ་དམ་པོ་ཡོད། སྤེལ་དུས།2013-10-14

སྐད་ཡིག་ཅིག་གི་དར་རྒུད་ནི་ཐད་ཀར་མི་རིགས་དེའི་དར་རྒུད་དང་འབྲེལ་བ་དམ་པོ་ཡོད།

མི་རིགས་ཤིག་གི་དར་རྒུད་ནི་ཐད་ཀར་དེའི་ཕ་མེས་ཡང་མེས་རིང་གི་སྐད་དང་ཡི་གེའི་དར་རྒུད་ལ་འབྲེལ་བ་དམ་ཟབ་ཅིག་ཡོད་དེ།  གསལ་བོ་ཞིག་བཤད་ན་སྐད་ དང་ཡི་གེའི་འཕེལ་རྒྱས་དང་ཉམས་རྒུད་ནི་ཐད་ཀར་སྐད་ཡིག་དེ་བེད་སྤྱོད་བྱེད་པའི་ མི་རིགས་དེའེ་ཕྱོགས་ཡོངས་ཀྱི་དར་རྒུད་དང་འབྲེལ་བ་གཏིང་ཟབ་ཅིག་ཡོད་པ་ཡིན་ ནོ།།   ག་རེ་ཟེར་ན།   གནའ་དེང་རྒྱལ་ཁབ་གང་གི་མཁས་པ་སུ་ཡིན་རུང་ཚང་མར་གཅིག་མཐུན་གྱི་སྡོམ་ཚིག་ཅིག་བྱུང་བ་སྟེ་སྐད་དང་ཡི་གེ་གཉིས་ནི་མི་རིགས་ཤིག་གི་སྲོག་རྩ་ཡིན་ཞེས་པ་དེའོ།།  

འོ་ན་གནས་ལུགས་འདི་ཡིས་ང་ཚོར་གནད་དོན་ཅིག་ར་སྤྲོད་བྱས་པ་ནི་གལ་ཏེ་ སྐད་དང་ཡི་གེ་གང་ཅིའི་ཐད་ནས་ཆ་ཚང་དུ་གྲུབ་ཡོད་པའི་ཚོགས་སྤྱི་ཞིག་་འཐོར་ཞིག་ གམ་རྩ་བ་ནས་མེད་བརླག་ཏུ་གཏོང་དགོས་ཚེ་ཐོག་མར་དེའི་སྐད་ཡིག་བེད་སྤྱོད་བྱེད་ པར་བཀག་འགོག་གམ་ཚོད་འཛིན་བྱས་ན་ག་ལེ་ག་ལེར་རིགས་དེའི་མི་ཡོད་ཀྱང་མི་ཁོག་ སྟོང་བར་འགྱུར་སྟབས་ཁོ་བོ་དཔོན་བློན་སུའམ་སྲིད་གཞུང་གང་དེས་བཙན་གནོན་དང་ བསླུ་བྲིད་མི་དགོས་པར་མི་རིགས་ཤིག་རང་བཞིན་གྱིས་འཐོར་ཞིག་གམ་རྩ་མེད་དུ་ འགྲོ་བ་ནི་བྱ་བའི་འཕེལ་འགྲུབ་རང་བཞིན་གྱི་ཆོས་ཉིད་ཅིག་རེད། 

 ཡང་འདི་ལས་ལྡོག་དེ་ཅིག་བཤད་ན་གསུབ་ཏུ་མེད་པའི་ལོ་རྒྱུས་ཀྱིས་ཀྱང་བདེན་དཔང་ཐུབ་པ་ནི།  གནའ་ སྔ་མོའམ་དེང་དུས་གང་ཡིན་རུང་སྐད་དང་ཡི་གེ་གཞིར་བྱས་ཤིང་སློབ་གསོ་གཙོ་གནད་ དུ་འཛིན་པའི་ཕྱོགས་ཡོངས་ནས་དར་ཞིང་རྒྱས་ལ་རང་ཚུགས་ཅན་དུ་ཆགས་པའི་རྒྱལ་ཁབ་ བམ་སྤྱི་ཚོགས་གང་དག་ད་རུང་འཇིག་རྟེན་འདིར་གཞན་པའི་སྟོབས་འབྱོར་ཅན་གྱི་མི་ རིགས་སམ་རྒྱལ་ཁབ་རྣམས་དང་འདྲ་བར་ཡུན་ནས་ཡུན་དུ་འཚོ་གནས་ཐུབ་པའི་ཆེད་དུ་ཆེས་ ཐོག་མའི་གནད་དོན་ཉག་གཅིག་ཐག་གཅོད་བཞིན་པ་ནི་རིགས་དེའི་ཕ་མེས་ཡང་མེས་རིང་གི་ སྐད་དང་ཡི་གེའི་བཀོལ་སྤྱོད་དམ་སློབ་གསོའི་ལས་ཀའི་ཐད་ལ་སྤྱི་ནས་རྒྱལ་ཁབ་བམ་ ས་གནས་སོ་སོའི་སྲིད་གཞུང་གིས་བཀག་འགོག་གམ་ཚོད་འཛིན་མེད་ཅིང་ནང་ནས་མི་རིགས་ རང་གི་སྐད་ཡིག་དང་ལོ་རྒྱུས་སོགས་ལ་རྨོངས་པའི་མྱི་རྒན་གཞོན་སུ་ཡིན་ཡང་ནོར་ འཁྲུལ་ཅན་གྱི་ལྟ་བ་ངན་པ་མཆོག་འཛིན་མི་བྱེད་པ་མ་ཟད་སྔར་ལས་ཀྱང་ཇེ་ལེགས་ཇེ་ རྒྱས་སུ་འགྲོ་བར་མི་བུ་སྒེར་གཞུང་གང་ཅིའི་ཐད་ནས་མཐུན་རྐྱེན་ཡང་དག་ཅིག་ སྒྲུབ་ཅི་ཐུབ་གང་ཐུབ་བྱེད་བཞིན་པ་འུ་ཅག་སུས་བལྟས་ཀྱང་ཁྱིམ་མཚེས་མི་རིགས་ འདྲ་མིན་བར་ཕན་ཚུན་ཕྱི་གསལ་ནང་གསལ་རེད།

གལ་ སྲིད་མི་རིགས་ཤིག་གི་ཕ་མེས་ཡང་མེས་རིང་གི་སྐད་དང་ཡི་གེའི་བཀོལ་སྤྱོད་དང་ འཕེལ་རྒྱས་ཐད་དུ་རྒྱལ་ཁབ་བམ་ས་གནས་དེའི་སྲིད་གཞུང་གིས་བཀག་འགོག་དང་ཚོད་ འཛིན་བྱེད་འོང་ན་དེ་ཚོས་ཡང་སྙིང་       ཅི་ཞིག་བསམ་བཞིན་ཡོད།   ཁོ་ཚོས་མཐར་ཐུག་གི་དམིག་ཡུལ་ཡང་ཅི་ཞིག་ཡིན།     དེ་ནི་ངོ་མ་གཉའ་གནོན་རེད།    མཐའ་གཅིག་ཏུ་སྐད་ཡིག་དེ་བེད་སྤྱོད་པའི་མི་རིགས་གང་དེ་བརླག་འདོད་པ་རེད།     གལ་ སྲིད་ངོ་མ་དོན་རྐྱེན་འདི་འདྲ་བུད་ན་འགྲོ་བ་མིའི་རིགས་ལ་ཐུན་མོང་དུ་ཡོད་པའི་ མི་ལུས་འདྲ་མཉམ་རིང་ལུགས་ཀྱི་ཐོབ་ཐང་དང་རང་དབང་ཟེར་བ་དེ་དངོས་སུ་བཙན་འཕྲོག་ བྱས་པ་རེད། 

གལ་སྲིད་ཡང་འདི་ལས་ལྡོག་སྟེ་ མི་རིགས་ཤིག་གི་སྐད་དང་ཡི་གེའི་བཀོལ་སྤྱོད་དམ་སློབ་གསོའི་ལས་ཀ་གོང་འཕེལ་དུ་ གཏོང་བར་རྒྱལ་ཁབ་བམ་ས་གནས་སྲིད་གཞུང་གིས་ཕྱོགས་ཡོངས་ནས་རྒྱབ་སྐྱོར་རོགས་རམ་ བྱས་ན་དེ་ནི་དངོས་གནས་མིའི་རིགས་སྤྱི་ལ་ཡོད་པའི་སྐད་ཡིག་བཀོལ་སྤྱོད་ཀྱི་ ཐོབ་ཐང་དང་རང་དབང་ཟེར་བ་དེ་ཆུང་ཆུང་ཞིག་མི་རིགས་རང་སྐྱོང་ས་ཁུལ་ལ་མི་རིགས་རང་གི་སྐད་ཡིག་གིས་བེད་སྤྱོད་བྱེད་དགོས་ཟེར་ཡང་དེ་འདྲ་མིན་པ་ཚང་མར་གསལ།སྤྲད་པ་ཡིན་ནམ་སྙམ།  དཔེར་ན་ད་ལྟའི་འུ་ཚོའི་སྤྱི་ཚོགས་སུ་སྤྱོད་བཞིན་པའི་རྣམ་པ་འདི་ལྟ་བུ་ཡིན། 

འོ་ན་སྐད་དང་ཡི་གེགང་ ཅིའི་ཐད་ནས་འཐུས་ཚང་དུ་ཡོད་པའི་མི་རིགས་ཤིག་གམ་རྒྱལ་ཁབ་ཅིག་གི་སྐད་ཡིག་ བཀོལ་སྤྱོད་ཐད་ལ་སྐད་ཡིག་བཀོལ་སྤྱོད་བྱེད་པའི་ཐོབ་ཐང་ངོ་མ་དེ་ཡོད་པའམ་རང་ དབང་རྣལ་མ་དེ་ཡོད་པ་ནི་ཅི་འདྲ་ཞིག་ཡིན་ནམ་ཟེར་ན།      དེ་ནི་མི་རིགས་ཤིག་འདུས་སྡོད་བྱེད་པའི་ས་ཁོངས་ཐམས་ཅད་ཀྱི་རྒྱལ་ཁབ་ཀྱི་ལས་བྱེད་པ་ཚང་མ་དང་དེའི་ས་གནས་སྲིད་གཞུང་ཡོད་དོ་ཅོག་གི་གོང་འོག་ཡིག་ཆ་སོགས་སུ་མཐའ་གཅིག་ཏུ་མི་རིགས་རང་གི་སྐད་དང་ཡི་གེ་ཁོ་ན་བེད་སྤྱོད་ཀྱིས་མི་རིགས་དེའི་མི་དམངས་ཡོངས་ལ་ཞབས་འདེགས་སྒྲུབ་པའི་སྲིད་ལུགས་སྐྱོང་སྟངས་དེ་འདྲ་ཞིག་ལ་ཟེར་རོ།།     བློ་བཟང་ཉི་མས།


རྒྱས་པར་གཟིགས།
བོད་སྐད་ཡིག་སློབ་ཁྲིད་ཐད་ཀྱི་བསམ་ཚུལ་ཐོལ་བུ། སྤེལ་དུས།2013-10-14

            འདིར་བརྩམས་ཆོས ( 4 )ཡོད།               པར་ངོས 1/1 པར་ཡོད།
དྲ་ངོས་བལྟ་ཀློག་གྲངས་ཀ
206246
 
འབྲེལ་གཏུག་བྱ་ཡུལ།   ཁ་པར།  0837-2495330 13548388131 QQ:136754599    Emial:pengcuo2001@yahoo.com.cn 136754599@QQ.com
འདི་གའི་པར་དབང་ངེད་ལོ་རྟ་ལྟེ་གནས་སློབ་ཆུང་དྲ་བ་ལས་གཞན་ལ་མེད།
网站备案号:蜀ICP备13018962号